عرب سربراہ کانفرنس کا خاص مہمان کون؟

سعودیہ میں عرب لیگ کے سربراہ اجلاس کی تیاریاں اپنے عروج پر ہیں، اجلاس کی خاص بات جنگ کرتے شام کے صدر بشار الاسد کی خصوصی شرکت ہے جو تقریبا دس سال بعد عرب لیگ کے اجلاس میں شرکت کر رہے ہیں

جدہ میں ہونے والی سربراہ کانفرنس جسے ’جدہ کانفرنس‘ کا بھی نام دیا گیا ہے غیرمعمولی طورپراہم ہے جس میں متعدد مسائل پربات چیت کی جائے گی۔

کانفرنس کے لیے مقررہ ضوابط پرعمل کرتے ہوئے بلدیہ نے جدہ کے رائل ٹرمنل سے لے کر اہم شاہراہوں اور چوراہوں پر کانفرنس میں شریک عرب ممالک کے پرچم لہرا دیئے ہیں۔

اس حوالے سے بلدیہ کے ذمہ دار کا کہنا ہے کہ کانفرنس  کے لیے عرب ممالک کے پرچم مقررہ قوانین کے تحت اہم شاہراہوں اورچوراہوں کے علاوہ مہمانوں کی قیام گاہوں پرلہرائے گئے ہیں۔