پاکستان شوبز انڈسٹری کی اداکارہ و میزبان صنم جنگ نے حالیہ انٹرویو میں بتایا کہ ایک وقت ایسا آیا جب انہوں نے شوبز انڈسٹری سے کنارہ کشی اختیار کرنے کا فیصلہ کر لیا تھا۔ یوٹیوب کے چینل کو انٹرویو دیتے ہوئے صنم جنگ کا کہنا ہے کہ باڈی شیمنگ ایک حقیقی مسئلہ ہے، بیٹی کی پیدائش کے وقت جب مارننگ شو ہوسٹ کرتی تھی تب کپڑے تلاش کرنا بہت مشکل ہوگیا تھا۔
ڈیزائنر صرف ایک مخصوص سائز کے کپڑے ہی ڈیزائن کرنا چاہتے ہیں انہوں نے مزید کہا کہ بیٹی کی پیدائش کے بعد جب سوشل میڈیا پر کمنٹس پڑھتی تو بہت دکھ ہوتا تھا، کئی بار لوگ بالواسطہ آپ کو احساس دلاتے ہیں کہ آپ کا وزن بڑھ گیا ہے اس مشکل وقت میں میرے گھر والوں نے خاص طور پر شوہر قاسم نے بہت ساتھ دیا اور احساس دلایا کہ میں اب بھی خوبصورت ہوں۔
