اشرافیہ کی پرواہ نہیں انہیں مہمانوں کو بلاتی ہوں جنہیں عوام دیکھنا چاہتی ہے، چاہے وہ ڈانسر عائشہ ہو یا اختر لاوا

معروف مارننگ شو میزبان اور اداکارہ ندا یاسر کا کہنا ہے کہ وہ اپنے پروگرام میں انہیں لوگوں کو بلاتی ہیں جنہیں عوام دیکھنا پسند کرتے ہیں۔

حال ہی میں ندا یاسر ایکسپریس انٹرٹینمنٹ کے پروگرام ’دی ٹاک ٹاک شو‘ میں شریک ہوئیں جہاں میزبان حسن چوہدری نے ان سے دلچسپ سوالات کیے۔

ندا یاسر نے اپنے پروگرام میں مہمانوں کے انتخاب پر تنقید اور شدید ٹرولنگ سے متعلق سوال کا جواب دیتے ہوئے کہا کہ پروگرام میں انہی لوگوں کو بلایا جاتا ہے جنہیں عوام دیکھنا چاہتی ہے۔

ندا یاسر کا کہنا تھا کہ یہ ہماری عوام ہی ہے جو وائرل ہونے والی چیزوں کو دیکھنا پسند کرتے ہیں کیونکہ اگر کسی بہترین طالبِ علم کو بلایا جائے تو اس میں کوئی دلچسپی نہیں لیتا۔

ماضی کا حوالہ دیتے ہوئے ندا کا کہنا تھا کہ انہوں نے 2021 میں دانانیر مبین نامی لڑکی کو اپنے شو پربلایا تھا جنہوں نے محض پاوری ہو رہی ہے مکالمہ سے عوام میں بے پناہ مقبولیت حاصل کی تھی۔

اس کے علاوہ ان کے ساتھ ACCA کے امتحان میں 179 ممالک میں سب سے زیادہ نمبر حاصل کرنے والی زارا نعیم کو بھی بلایا گیا تھا۔مگر ان دونوں کے ایک ساتھ کیے گئے شو میں صرف دانانیر مبین کے کلپس وائرل ہوئے۔

ندا کا کہنا تھا کہ وہ اس سے قبل کئی مرتبہ باصلاحیت افراد کو بلا چکی ہیں مگر وہ پروگرام زیادہ نہیں چلے جبکہ دنانیر اور عائشہ والے کلپس خوب وائرل ہوئے۔

میرا دل یہ پکارے گانے پر رقص کر کے مشہور ہونے والی لڑکی عائشہ کو اپنے شو پر بلانے پر وضاحت دیتے ہوئے ندا نے کہا کہ ان کے ڈانس کی بے پناہ مقبولیت کی اصل