عمران ریاض خان نے بول نیوز جوائن کر لیا

چند دن پہلے ہم نے اپنے وی لاگ میں بول نیوز سے درخواست کی تھی کے اپنی پروگرامنگ کو مضبوط کیجیے اور پرائم ٹائم میں کوئی بھاری بھرکم اینکر کو آن بورڈ لائیں تاکہ بول نیوز مسلسل اور لانگ ٹرم کیلیے ریٹنگز میں رہے ناں کے وہ عمران خان کے جلسوں کی کوریج کیوجہ سے ریٹنگز میں رہے، 

عمران ریاض خان ایک لمبے عرصے تک زیر عتاب رہے، ‘ٹکر کے لوگ’ سے شروع ہونیوالا قربانیوں کا سفر اب بول نیوز میں ا کر تھما ہے، ایکسپریس نیوز سے اینکرنگ کیریئر شروع کرنیوالے عمران ریاض خان اب اینکر سے زیادہ یو ٹیوبر مشہور ہو گئے ہیں، انکے لاکھوں میں فالوورز ہیں اور پاکستان کے سب سے زیادہ ماہانہ کمانے والے یو ٹیوبر بن چکے ہیں، اگر پیسوں کے لحاظ سے دیکھا جائے تو انہیں کسی چینل میں کام کرنیکی ضرورت نہیں لیکن پاکستان میں اداروں کو فاصلے پر رکھنے کیلیے چینل کا پلیٹ فارم ہونا بہت ضروری ہے،

عمران ریاض خان اس سے پہلے ایکسپریس نیوز میں تھے اور انکے پروگرام کو کچھ حلقوں سے پریشر کیوجہ سے بند کر دیا گیا تھا، اس سے پہلے انہوں نے سماء ٹی وی میں کچھ لمبی اننگ کھیلی لیکن جب علیم خان نے سماء کو خریدا تو وہ انکی ہٹ لسٹ پر آگئے اور پھر سماء سے بھی رخصت لے لی، میڈیا والے کہتے ہیں کے عمران ریاض خان کی گرفتاری اور پھر رہائی کیبعد انکا سوفٹ ویئر کافی حد تک آپ ڈیٹ ہو چکا ہے، اب دیکھتے ہیں کے وہ کسطرح بول کی ریٹنگز کو اٹھا کر رکھتے ہیں