مراثی نوں ایتھے ناں دفنائو – پانویں چیلاں کتیاں اگے پائو

0
1145

دنیا فانی، کوئی یہاں سدا رکنے کیلیے نہیں آیا، انسان تب تک انسان جب تک انسانیت باقی، لیکن اب شاید انسانیت، حیوانیت سے بھی دو ہاتھ آگے، شعور اور عقل گئی گھاس چڑنے، اس کی تازہ مثال کل دیکھنے کو ملی جب لیجینڈ فنکار امان اللہ کی قبر لاھور کی پیراگون سوسائٹی میں کھودی جا رہی تھی تو چند مذہبی جنونیوں نے اعلان کیا کے چونکہ امان اللہ کا پیشہ انکے خیال میں مراثی کے زمرے میں آتا ہے، لہذا اس لال خون والے انسانوں کے قبرستان میں میلے خون والے کو دفنانے نہیں دینا، رونے کو دل چاہا، گریبان پھاڑنے کو من کیا، لیکن خود کو کنٹرول کیا، بھلا ہو وزیر چوہان کا کے دبنگ انداز میں مذہب کے ٹھیکیداروں کو للکارا!

اس گتھی پر ہمارے معتبر یوسف رشید کے دل کو چھو لینے والے اشعار

مراثی نوں ایتھے ناں دفنائو
(یوسف رشید)

آندے نے میراثی مریا تے اوہنوں ایتھے ناں لیائو
پانویں چیلاں کتیاں اگے پائو
پانویں ندیاں چہ روڑھو
تے پانویں اگ چہ لائو
مراثی نوں ایتھے ناں دفنائو

آندے نے ایہہ پاک مٹی اے
ایتھے سوہنے مردے ستے نیں
جنہاں پاک جیون ورتے نیں
ایہناں نیک روحاں نوں روگ نہ لائو
مراثی نوں ایتھے ناں دفنائو

کنجر خانہ لا کے چار پیسے کما کے
ہن توں آکھیں خان کہاواں
کوٹھیاں کاراں لے کے
امیراں نال یاریاں لاواں
سن لئو اوئے بے دینو
ایس کنجر نوں اگ چہ لائو
مراثی نوں ایتھے ناں دفنائو

تسی ایہنوں ایتھے تاں دفناندے
جے ایہنے کوئی بندے مارے ہندے
کسے یتیم دا حق مار کے پلازہ بنایا ہندا
داڑھی رکھ کے دودھ اچ پانی ملایا ہندا
کسے نوں گال کڈھی ہندی، کسے بیوہ نوں روایا ہندا
ایہنوں کتھے ہور لے جائو
مراثی نوں ایتھے ناں دفنائو

آندے نیں ایتھے کنجراں لئی کوئی تھاں نئیں
ایہنے جگتاں کیتیاں، گیت گائے
کی آکھیا؟، ایہنے لوک ہنسائے؟
لوکی تاں ہن ہسن گے،
جدوں ایہنوں قبر دی تھاں نہ ملے
ناں ایہندے باجھ کھار کا چلہا چلے
پراں کرو ایس نیچ نوں کتھے ہور لے جائو
مراثی نوں ایتھے ناں دفنائو

تے تسی وی سارے سن لئو کن کھول کے
آپنے بچیاں نوں پڑھائو لکھائو
ڈاکٹر بنائو، انجنئیر بنائو
جے ہاسیاں دی لوڑ ہووے تاں
کافراں دے کارٹون وکھائو
پر آپنے بچیاں نوں فنکار نہ بنائو
جے فیر وی نہ منن تے
ایس کنجر دا حشر وکھائو
مراثی نوں ایتھے ناں دفنائو

LEAVE A REPLY

Please enter your comment!
Please enter your name here