"اداکار شان کیبعد نعمان اعجاز کی لکس سٹائل ایوارڈز پر تنقید: "اگر ایوارڈز دینے نہیں آتے تو ایوارڈز کرتے کیوں ہو

0
246

پاکستان کے معروف اداکار نعمان اعجاز نے حال ہی میں ہونے والے لکس اسٹائل ایوارڈز کے منتظمین پر ناراضگی کا اظہار کرتے ہوئے اسے ‘سوشل میڈیا ایوارڈز’ قرار دے دیا۔

لکس اسٹائل ایوارڈز کی تقریب ایک روز قبل منعقد کی گئی تھی، لیکن اس میں دیئے گئے ایوارڈز پر متعدد اداکاروں اور مداحوں نے ملے جلے رد عمل کا اظہار کیا ہے۔

اداکار نعمان اعجاز نے اپنے غصے کا اظہار سوشل میڈیا ویب سائٹ ٹوئٹر پر کیا اور لکس اسٹائل ایوارڈز کے منتظیمن کو مخاطب کرتے ہوئے لکھا کہ ’اگر ایوارڈز دینے نہیں آتے ، تو ایوارڈز کرتے کیوں ہو‘۔

اصل میں نعمان اعجاز کو شکایت ہے کہ تقریب میں جو ایوارڈز دیئے گئے وہ سوشل میڈیا پر مقبولیت کی بناء پر دیے گئے ہیں جب کہ ایوارڈ کا فیصلہ اداکاری اور کام کی بنیاد پر کرنا چاہیے تھا۔

انہوں نے شکایت کی کہ یہ بہت غلط بات ہے کہ ڈراموں کی ریٹنگ کی وجہ سے ایوارڈز دیے جارہے ہیں، میری سمجھ سے باہر ہے کہ کس بنیاد پر ججز نے لکس اسٹائل ایوارڈز تقسیم کیے۔

انہوں نے اپنی ایک اور ٹوئٹ میں لکھا کہ اسٹارز سے زیادہ تو تقریب میں بلاگرز موجود تھے، اسے لکس سوشل میڈیا ایوارڈز کہنا زیادہ درست ہوگا۔

واضح رہے کہ نعمان اعجاز ڈرامہ سیریل ’سنگ مر مر‘ کے لیے بہترین ٹی وی اداکار کی کیٹگری میں نامزد تھے جب کہ  ایوارڈ مشہور ڈرامہ ’یقین کا سفر‘ کے اداکار احد رضا میر نے وصول کیا۔

اس سے پہلے اداکار شان نے بھی لکس اسٹائل کو تنقید کا نشانہ بنایا تھا اور سوشل میڈیا پر اسکا اظہار کیا تھا، اب نعمان اعجاز کا بھی لکس اسٹائل ایوارڈز کو تنقید کا نشانہ بنانا ظاہر  کرتا ھے کے یقیننا مُنتظمین سے ایوارڈز مینیجمینٹ میں ضرور کوئی کوتاہیاں ہوئی ھیں۔

end

Mediabites Editorial – Shoaib Naqvi

LEAVE A REPLY

Please enter your comment!
Please enter your name here